Starfsmenn Barra á Tumastöðum, ásamt Sigurði Kjerúlf, starfsmanni Skógræktar ríkisins á Hallormsstað, hafa lokið við að sá í stóra húsið á Tumastöðum.  Vélin sem notuð var við sáninguna og sést á myndinni, er í eigu Skógræktarinnar og er tekin á leigu til verksins.  Stærstur hluti birkiplantnanna sem þarna munu vaxa á næstu vikum hefur nú þegar verið seldur til Hekluskóga og annarra viðskiptavina á suðurlandi.

 Hús 2 er risið á Valgerðarstöðum.  Lokafrágangur á klæðningu er í gangi, byrjað er að setja upp skyggingarbúnað og rafvirkjar og pípulagningarmenn að hefja sína vinnu.

Heitt vatn komst á Hús 1 í dag og lokafrágangur rafmagns- og símalagna stendur yfir.  

Undanfarna daga hefur verið notast við díselrafstöðvar til að knýja búnaðinn í húsinu, en vonandi kemst rafmagn á fyrir helgi.