Þessa dagana er verið að flokka, pakka, setja plöntur inn á kæli- og frystigeymslu. Þá er verið að flytja út á plan þær plöntur sem geyma á úti það sem eftir lifir vetrar. Þá eru starfsmenn Barra hf á Tumastöðum að pakka birki í pappakassa sem frysta á og afhenda Hekluskógum í vor.

Aðstöðuhúsið er fokhelt og unnið innandyra við veggi, pípu- og raflagnir, frágang lofta og múrarar væntalegir til að flota gólfin. Það er stefnt á að halda aðalfund í kaffistofunni 8. mars næst komandi, því verður að halda vel á ef það á að takast.

Einnig er unnið við að reisa vetrarskýli fyrir þær plöntur sem ekki verða geymdar á kæli eða frysti en við teljum að þoli síður að vera lítt varðar á útiplani. Hvert skýli rúmar um 1800 bakka og eru lyftarageng.

Nú er lokið við pökkun á þeim plöntum sem á að frysta úr gróðurhúsinu við Kaupvang eða rúmlega 300 þúsund plöntur. Frystiklefinn og búnaðurinn í honum virkar framar væntingum.

30 desember sl gekk mikið hvassviðri yfir landið og fóru tvær plötur alveg af húsunum á Valgerðarstöðum og ein rifnaði að hluta. Þá fóru tíu aðrar plötur úr skorðum sínum. Einnig gekk hurð á stafni inn og opnaðist inn í hús 2 sem leiddi trúlega til að plata á 14 bili fór af húsinu. Þá fór ein plata af gróðurhúsinu við Kaupvang.

Myndin er frá því þegar starfsmenn Héraðsfjarðar ehf unnu að lagfæringum á Gróðurhúsi 2

Nú er verið að ljúka endanlegum frágangi á Frystigeymsluhúsinu. Búið að ljúka tveimur af fimm vetrargeymsluskýlum. Malarvinnslan hf hefur lokið steypuvinnu við Aðstöðuhúsið og eru starfsmenn Héraðsfjarðar ehf að hefju vinnu við setja þak á húsið.

Þessi mynd var tekin yfir Valgerðarstaði í morgun. Það er búið að reisa allar steypueingingar og það tókst síðast liðinn föstudag að steypa gólf á efri hæð Aðstöðuhússins. Það verður fyrsta verkefni á nýju ári að setja þak á húsið og ljúka við ísetningu glugga og hurða.

Það eru komnar 260 þúsund plöntur á frystinn og gengur pökkunin vel.

Framkvæmdastjóri og stjórn senda starfsfólki, viðskiftavinum og öllum þeim fjölmörgu sem komið hafa að uppbyggingu fyrirtækisins á Valgerðarstöðum bestu óskir um gleðileg jól og þakkir fyrir árið sem er að líða.

Síðast liðinn sunnudag var haldinn jólamarkaðsdagur jólakattarins sem var samstarfsverkefni fjögurra aðila þ.e.a.s. Barra hf, Félags skógarbænda, Héraðsskóga og Skógræktar ríkisins á Hallormsstað. Auk jólatrjáa- og greinasölu voru ýmsar uppákomur og fjölmargir buðu margs konar varning til sölu. Þá var keppni verkun hangikjöts og varð Friðjón Þórarinsson á Flúðum í Hróarstungu "Kjötkrókur Austurlands". Verðlaun fyrir fallegasta útskorna laufabrauðið fóru í Ekru í Hjaltastaðaþinghá.

Talið er að á milli 600 til 800 manns hafi komið við í gróðurhúsinu við Kaupvang 19.

Jólatrjáasalan verður opin frá kl 13:00 til 17:00 fram á þorláksmessu. Á boðstólunum eru tegundir jólatrjáa frá átta framleiðendum á Fljótsdalshéraði. Einnig eru til sölu ýmsar tegundir af greinum, skreytingaefni og munum.