Eftirtaldir aðilar lögðu fé til stofnunar Barra hf.:

Framleiðnisjóður - 13,6 miljónir kr. Núverandi eignarhlutur félags skógarbænda á Fljótsdalshéraði. Gert í því skyni að auka nýsköpun og atvinnuuppbyggingu á sauðfjársvæðum. Á þessum tíma var sauðfjárbúskapur í mjög slæmri stöðu á Héraði vegna riðuniðurskurðar.

Ríkissjóður - . Sérstök fjárveiting að upphæð 12 miljónir kr. til Héraðsskóga. Eyrnarmerkt til uppbyggingar Barra hf. Ríkissjóður seldi þessi hlutabréf í ársbyrjun 2004 eftir útboð á vegum Ríkiskaupa.

14,2 miljónir kr komu síðan frá sveitarfélögum, fyrirtækjum og einstaklingum á svæðinu.

Hluthafar eru í dag 127.  Árið 1991 var fyrsta rekstarár félagsins og ræktun fyrstu uppskeru hófst 17. maí það ár. Liðlega helmingur fyrstu uppskeru var seldur í haustgróðursetningu það ár og hinn helmingurinn geymdur til næsta vors. Framleiðslan jókst á næstu árum ekki síst eftir að farið var að rækta tvær uppskerur í gróðurhúsi. Framleiðslan var tæplega 2,2 milljónir plantna á árinu 2005 og aðeins minna árið 2006 vegna affalla sem urðu á nokkrum tegundum. Í september 1998 keypti félagið rekstur Fossvogsstöðvarinnar ehf. Var nafni félagsins breytt í Barri-Fossvogsstöðin hf. Á árinu 2000 var nafninu aftur breytt í Barri h.f. Á þessu tímabili rak fyrirtækið einnig gróðrarstöð í Fossvoginum í Reykjavík. Þessi stöð var áður í eigu Skógræktarfélags Reykjavíkur. Samfara þessu þá eignaðist Skógræktarfélag Reykjavíkur verulegan hlut í félaginu og á í dag 25,4% hlutafjár í Barra hf.

Framkvæmdastjórar félagsins hafa verið þessir á liðnum árum. Einar Gunnarsson, 1991-1993. Jón Kr. Arnarson, 1993-2002. Rúnar Ísleifsson, 2002-2005. Skúli Björnsson, 2005-.

Stjórnarformenn hafa verið þessir: Gísli Guðmundsson, Sveinn Jónsson, Jónas Magnússon, Hilmar Gunnlaugsson, Skúli Björnsson og Björn Ármann Ólafsson.